درختوں ‏سے ‏محبت

*درختوں سے محبت*

از قلم۔بڈھن قریشی مدرس الہدیٰ اردو اسکول بھوکردن 9970211981

🌷🌷🌷🌷🌷🌷🌷🌷🌷

حضور صلعم نے فرمایا: 

*"اگر قیامت قاٸم ہو جاٸے اور تم میں سے کسی کے ہاتھوں میں کھجور کا ایک چھوٹا سا پودا ہو اور وہ اسے زمین میں لگانے کی استطاعت رکھتا ہو وہ اسے ضرور لگاٸے۔"*

     محترم قارٸین! مندرجہ بالا حدیث سے یہ بات ثابت ہوتی ہے کہ دین اسلام نے درختوں اور پودوں کو لگانے یعنی *شجر کاری* کرنے کی بھی تعلیم دی ہے۔

شجر کاری کرنے سے ہمیں کیا حاصل ہو گا ؟ آٶ ساٸنس کی روشنی میں اس کو سمجھیں۔

       انسانوں اور جانداروں کو زندہ رہنے کے لٸے ہوا یعنی آکسیجن کی ضرورت ہوتی ہے۔اگر چند سیکنڈ جانداروں کو آکسیجن نہ ملے تو تمام جاندار مرنے لگ جاٸیں۔

قارٸین! ماحول میں آکسیجن کی مقدار بڑھانے کے لٸے ہمیں درختوں کا لگانا بے حد ضروری ہے کیوں کہ ساٸنس یہ کہتی ہے کہ نباتات آکسیجن خارج کرتے ہیں ہمیں زندہ رہنے کے لٸے آکسیجن کی ضرورت ہوتی ہے اور ہم جو گیس خارج کرتے ہیں یعنی کاربن ڈاٸی آکساٸیڈ  نباتات زندہ رہنے کے لٸے استعمال کر تے ہیں جس کی وجہ سے ماحول میں توازن برقرار رہتا ہے۔دیکھٸیے پھر پودے اور درخت بھی انسانوں اور جانداروں کے دوست ہوٸے ۔ماشاءاللہ کیا نظام قدرت ہے! اسی لٸے ماحول کو فضاٸی آلود گی سے بچانے کے لٸے  خوب درخت لگانے چاہیٸے۔

محترم قارٸین! آج ہمارا دیش بھارت کرونا جیسی وباء سے دو چار تھا اور ہے۔ہم سب یہ بات اچھی طرح جانتے ہیں کہ کرونا بیماری میں مریض کو سانس لینے کافی دقت ہوتی ہے۔یہ آکسیجن کی کمی کےباعث ہوتا ہے۔اگر ہم ایسے وقت میں درختوں کو لگانے میں ایک دوسرے کی مدد کرے اور درختوں کی خوب سے خوب تر نگہداشت کریں تو یقینا ہم ماحول کو فضاٸی آلودگی سے بچا سکتے ہیں اور ان بیماروں کے کام آسکتے ہیں جو ایسے مرض میں مبتلا ہو چکے ہیں جس میں آکسیجن کی کمی ہو جاتی ہیں۔اس طرح ہم ماحول میں ہونے والی آکسیجن کی کمی کو پورا کرسکتے ہیں۔اسی لٸے ہمیں خوب درخت لگانے چاہیٸے۔

آٸیے ہم عزم کریں کہ ماحول  کو فضاٸی آلودگی سے بچانے کے لٸے ہر شخص ایک پودا ضرور لگاٸیں اورثواب جاریہ کے طور پر اسے ورثہ میں چھوڑ جاٸیں۔اللہ ہم سب کو نیک عمل کرنے توفیق عطا فرماٸے ۔آمین